محمد الجويهل , منو ما يعرفه ؟ ما اتوقع احد بالكويت ما مر عليه هالاسم , سبب ازمة في الشارع الكويتي وانقسم الشعب مابين مؤيد ومعارض .
محمد الجويهل رغم اسلوب الحوار ( الواطي) اللي يتبعه كان له مؤيدين وايد , وبلا شك انهم مؤيدين موقفه ضد تجنيس البدون ومزدوجي الجنسيه وليس تأييد لاسلوبه الجويهلي !
اثار محمد الجويهل ضجه بعد افتتاح قناته الفضائيه ( السور ) وانصدمت الصراحه من برنامجه ( السرايا ) وتقديمه واسلوب طرحه ! شي يفشل , وطبعا كان رد الاعضاء سريع بالندوات و المحاربه والتجمهر امام مبنى وزاره الاعلام ومطالبه وزير الاعلام باغلاق هذه القناة وكان لهم ما تمنوا , بس من متى الشعب الكويتي يتجمهرون بالآلاف بالشوارع على اي شي يصير بالديره ؟
ماعلينا , سافر الجويهل الى دبي لتوقيع عقد مع قمر اوروبا HotBird ليبث قناته عبر هذا القمر بحيث ان وزاره الاعلام لا يكون لها سلطه على توقيف بث هذه القناة , ومنها الى مصر ايضا لاتمام عقده مع قمر نايل سات , وفي الوقت ذاته اصدر وزير الداخلية مذكره بالقاء القبض على محمد الجويهل باكثر من تهمه وقضيه مرفوعه من بعض اعضاء مجلس الامه
اختفى الجويهل ( يمكن دزوه غوانتنامو ) وقناة السور شاشه سوده , وانتهت الحلقه الاولى من الفتنه الكويتيه .
انا عن نفسي , انا مع ضد محمد الجويهل وقناته ( اقولكم شلون ) مع الجويهل بمحاربته للتجنيس ومطالبته بسحب الجنسيه الكويتيه من المزدوجين , ضد اسلوبه وسعيه لخلق فتنه بين الشعب وخاصه بين البدو والحضر
الكويتي كويتي مهما كان حضري او بدوي ( بدو الكويت فقط لاغير ) , سني او شيعي , عشنا على ارض وحده وما كنا نقول هذا بدوي متخلف خل يولي وهذا حضري ( رخمه ).
الله لا يفرقنا حضر وبدو ( بدونا بس )
.jpg)
I arrived here just surfing. Congratulations on Your nice site and best wishes from an Estonian living in Italy
ردحذفانا معاك بس فقدنا القناة والفضايح اللي ينشرها بقناه السور .. التوقع الحراميه ارتاحو ماكو احد يفتن عليهم
ردحذف